Proper A/T Use & Maintenance
Ang 4-wheel drive din ay dapat lang gamitin sa nararapat na sitwasyon,
dahil ang hindi kinakailangang paggamit nito ay maaksaya sa diesel at
maaring maka-sira sa drivetrain.
Para sa mga Isuzu na mayroon four-wheel drive, gaya ng D-Max at Alterra,
mayroong tatlong mode of operation.
Two-wheel drive (o rear-wheel drive)
Four-wheel drive, High Range
at Four-wheel Drive, Low Range
Dahil ang sistema na ginagamit ng Isuzu ay "part-time four-wheel drive",
ang sasakyan na nasa setting ng two wheel drive ay gumagamit lang ng rear
axle.
Sa ganitong mode, "freewheeling" ang gulong sa harap upang makatipid sa
diesel.
Ideal po ang 2WD na setting para sa pang-araw araw na pagmamaneho, kung
saan hindi gaanong madulas o matagtag ang daan.
Ang four-wheel drive, High Range naman, ay gumagamit ng front axle upang
matulungang kumapit ang apat na gulong.
Ideal ang mode na ito para sa madudulas o matagtag na daanan, at kapag mejo
mabilis ang takbo.
Kapag kayo ay nasa 4WD-High range, iwasan pong lumampas ng 100kph, dahil
ang masyadong mabilis na pagpatakbo ay nakakasira sa iyong drivetrain.
Iwasan din po ang paggamit ng 4WD-High range kung tuyo o makinis ang daan;
ang mataas na friction ng ganitong sitwasyon ay nakakasira sa drivetrain.
Ang huling setting ay ang 4WD-Low range. Gaya ng High Range, nila-lock nito
ang front axle, pero gumagamit ng mas malaki na gear upang makagapang ang
iyong sasakyan sa mga malalaking obstacle o kaya sa mga napakaputik o
napakadulas na daan.
Ang four-wheel drive Low range ay hindi dapat gamitin sa tinatawag na
"normal driving situations" dahil mataas ang friction nito sa drivetrain.
Paano gamitin ang mga two wheel drive at four wheel drive na ito?
Madali lang! Sa mga bagong Isuzu, pushbutton na lamang ang paraan.
Kung ika'y nanggagaling sa two-wheel drive, ipindot lamang ang four-wheel
drive High ng ilang segundo. Kapag umilaw na ang indicator light sa iyong
instrument panel, naka-engage na ang four-wheel drive High. Upang bumalik
sa two-wheel drive, ipindot lang ito at hintayin na mawala ang indicator
light.
Dahil ito ay tinatawag na "shift-on-the-fly", maaring mag shift mula two
wheel drive to four-wheel drive High range habang umaandar ang sasakyan, at
kahit 50kph na ang takbo.
Upang mag shift sa four wheel drive Low range naman, kailangan na nakatigil
ang sasakyan. Ipindot ang 4WD-L at hintayin ang indicator light.
Kapag nasa four-wheel drive High o four-wheel drive Low range, huwag po
tayong magulat kung masmahirap bumwelta o lumiko kaysa sa two-wheel drive.
Nangyayari po ito dahil naka-"lock" ang front axle, at mas mahirap tuloy
iliko ang mga gulong.
Bukod sa wastong paggamit ng iyong four-wheel drive, siguraduhing
napapalitan ang Transfer Case Oil at ang Differential Gear Oil bawat 20,000
na kilometro makalipas ang unang pagpalit sa 1,500.
Ang iba-ibang piyesa rin ng iyong four-wheel drive, gaya ng mga axle case,
shift on the fly, propeller shaft, at mga universal joints ay dapat din
ma-inspection ayon sa Periodic Maintenance Schedule.